મોરબીના દરબારગઢ ખાતે નવગ્રહ શનિદેવ મંદિરે શનિદેવ-જયંતિ નિમિતે મહાપૂજા કાર્યક્રમ સંપન્ન

મોરબી: ભારતીય સનાતન સંસ્કૃતિ પ્રમાણે દેશમાં ન્યાયના દેવ એવા શનિદેવની જયંતિ વૈશાખ માસની અમાસના દિવસે ઉજવવામાં આવે છે. ત્યારે મોરબીમાં શનિદેવ જયંતિ પર્વની ઠેર ઠેર ઉજવણી કરવામાં આવી છે. આ પ્રસંગે મોરબીના દરબારગઢ ખાતે આવેલ નવગ્રહ શનિદેવ મંદિરે મહાપૂજાનું આયોજન કરવામાં આવ્યું હતું.

મોરબીમાં શનિદેવ જયંતિ નિમિતે દરબારગઢ ખાતે આવેલ નવગ્રહ શનિદેવ મંદિરમાં શનિદેવ જયંતીના પર્વે શનિદેવની વિશેષ મહાપુજા કરી શનિપ્રસાદનું વિતરણ કરવામાં આવ્યું હતું. સવારથી જ બહોળી સંખ્યામાં ભાવિક ભક્તોનું ઘોડાપુર ઉમટી પડ્યું હતું ત્યારે યોજેલ મહાપૂજાનો ઘણા લોકોએ લાભ લીધો હતો.

આ મહાપૂજાના કાર્યક્રમને સફળ બનાવવા નવગ્રહ શનિદેવ મંદિરના ટ્રસ્ટી નિકુંજભાઈ તથા કાર્યકરો તેમજ મંદિરના પૂજારી માધવભાઈ તેમજ હિતેષભાઇ પંડ્યાએ જહેમત ઉઠાવી હતી.