થોડા સમય પહેલા સુપ્રીમ કોર્ટે અનુસૂચિત જાતિ અને અનુસૂચિત જનજાતિ વર્ગમાં ક્વોટામાં ક્વોટા આપવાની મંજૂરી આપી હતી. કોર્ટે કહ્યું હતું કે એસસી-એસટી કેટેગરીમાં નવી પેટા કેટેગરી બનાવી શકાય છે અને આ અંતર્ગત સૌથી પછાત વર્ગને અલગ અનામત આપી શકાય છે. ત્યારે આ ચુકાદા મામલે ભારતીય જનતા પાર્ટીના અનુસૂચિત જાતિ અને અનુસૂચિત જનજાતિ (SC/ST) સાંસદોએ શુક્રવારે વડાપ્રધાન મોદી સાથે મુલાકાત કરી. આ મામલે કોઈ ફેરફાર ન કરવા રજૂઆત કરી હતી. જેને લઇ પીએમએ તેમને આશ્વાસન આપ્યું કે તેઓ આ મામલા પર ધ્યાન આપશે.
તાજેતરમાં સુપ્રિમ કોર્ટના જજોની પેનલ દ્વારા અનુસૂચિત જાતિ અને અનુસૂચિત જનજાતિમાં સબ કેટેગરી (વર્ગીકરણ) માટેની અનામત માટે મંજુરી આપી હતી જે અંતર્ગત આજે ભારતીય જનતા પાર્ટીના SC – ST TI સાંસદોએ આ બાબતે વડાપ્રધાન નરેન્દ્ર મોદીને કોઈ ફેરફાર ન કરવા સાંસદોએ લેખીતમાં પત્ર આપી રજુઆત કરી હતી. જે અંતર્ગત વડાપ્રધાન મોદીએ સ્પષ્ટ રીતે જણાવ્યું કે આ વિચાર અને રાય માત્ર સુપ્રિમ કોર્ટનો જ છે જેમાં કેન્દ્ર સરકાર કે ભા.જ.પાની રાજ્યની સરકારો તથા ભા.જ.પા આવી કોઈ પણ બાબતનો સમર્થન કરતી નથી અને આવો કોઈ વિચાર પણ કરતી નથી.
