મોરબી સબ જેલમાં સ્વાતંત્ર્ય દિવસની ઉજવણી કરાઈ

આજે 15મી ઓગસ્ટ એટલે કે સ્વાતંત્ર્ય દિવસ છે અને દેશભરમાં ભવ્ય ઉજવણી થઇ રહી છે.

મોરબી શહેરમાં પણ વિવિધ જગ્યાએ ધ્વજવંદન સહિતના કાર્યક્રમો યોજાયા હતા. સૌ કોઈ દેશભક્તિના રંગમાં રંગાયા હતા.

ત્યારે મોરબી સબ જેલમાં 78મા સ્વતંત્રતા દિવસની ભવ્ય ઉજવણી કરવામાં આવી હતી.

આજ રોજ મોરબી સબ જેલના અધિક્ષક બી.બી.પરમાર, જેલર એ.આર.હાલપરા તથા જેલર પી.એમ.ચાવડા સાથે જેલના કર્મચારીઓ તથા જેલમાં રહેલા બંદિવાનો દ્વારા પ્રગતિશીલ ભારતની આઝાદીના ૭૮મી ૧૫મી ઓગષ્ટ (સ્વતંત્રતા દિન)ના દિવસની ઉજવણી નિમિતે અધિક્ષક દ્વારા બંદિવાનોમાં ભાઇચારાની ભાવના રહે તેવા વિચારો વ્યક્ત કરી તમામ બંદિવાનો વહેલા જેલ મુક્ત થઇ તેઓના પરિવાર સાથે એક નવી જીદંગીનો આરંભ કરે અને પુન:સમાજ પ્રસ્થાપિત થઇ દેશના હિતાર્થેને લગતી પ્રવુતિઓ કરે તેવી શુભકામનાઓ સાથે ધ્વજવંદન કરી સ્વતંત્રતા દિનની ઉજવણી કરી હતી.