આજે 15મી ઓગસ્ટે દેશ 78મો સ્વાતંત્ર્ય દિવસ ઉજવી રહ્યો છે. ત્યારે ભારતના સ્વાતંત્ર્ય દિવસ પર દેશભરમાં ઉત્સાહ અને દેશભક્તિનો માહોલ છે. લોકો આ દિવસે સ્વતંત્રતાની ઉજવણી કરે છે અને સ્વતંત્રતા સેનાનીઓને શ્રદ્ધાંજલિ આપે છે. ત્યારે મોરબીના ઉચી માંડલ ગામે આવેલ ઊંચી માંડલ પ્રાથમિક શાળા દ્વારા પણ સ્વાતંત્ર્ય દિવસની ઉજવણી કરવામાં આવી હતી.
મોરબી તાલુકાનાં ઉચી માંડલ ગામે આજરોજ 78 માં સ્વાતંત્ર્ય દિવસ નિમિત્તે ઊંચી માંડલ પ્રાથમિક શાળા દ્વારા ઉજવણીનું આયોજન કરવામાં આવ્યું હતું. જેમાં ગામના સરપંચ રવીરાજસિંહ તેમજ ઉપસરપંચ અને પંચાયતના સભ્યો તદુપરાંત શાળાના આચાર્ય અને સ્ટાફગણ સમગ્ર ભાગ લીધેલ હતો.
જેમાં શાળાના વિદ્યાર્થીઓ દ્વારા દેશભક્તિના ગીતો દ્વારા અનેક કૃતિઓ રજૂ કરવામાં આવી હતી. તેમજ ગવર્મેન્ટ દ્વારા જે શિષ્યવૃત્તિની પરીક્ષા લેવામાં આવેલી હતી. તેમાં મોરબી તાલુકાની અંદર ઉંચી માંડળ પ્રાથમિક શાળાના બે વિદ્યાર્થીઓ પાસ થયા હતા. તેમને ઈનામ વિતરણ કરવામાં આવેલું હતું.
