ટંકારા તાલુકાના દેવળીયા ગામની સીમ રમણીકભાઈ પટેલની વાડી પાસેથી જુગાર રમતા પાંચ આરોપીને રોકડા રૂપિયા 51,200 ના મુદ્દામાં સાથે ટંકારા પોલીસ દ્વારા પકડી પાડવામાં આવ્યા છે. ટંકારા સર્વેલન્સ ટીમને પેટ્રોલિયમ દરમિયાન મળેલી બાતમીને આધારે દેવળિયા ગામની સીમમાં રેઇડ પાડવામાં આવી હતી જ્યાં જુગાર રમતા પાંચ આરોપીને પકડી પાડવામાં આવ્યા છે.
મળતી માહિતી અનુસાર, ટંકારા પોલીસ સ્ટેશનના સ્ટાફના માણસો પેટ્રોલિંગમાં હતા ત્યારે ચોક્કસ બાતમીના આધારે ટંકારા તાલુકાના દેવળીયા ગામની સીમમાં રમણીકભાઈ પટેલની વાડી પાસે રેઇડ કરતા જાહેરમાં ગંજીપાના વડે પૈસાની હારજીતનો તીન પત્તીનો જુગાર રમતા કુલ પાંચ ઈસમોને રોકડા રૂપિયા 51,200 ના મુદ્દા માલ સાથે પકડી પાડવામાં આવ્યા છે. જેમાં આરોપી વિજયભાઈ સવજીભાઈ રાઠોડ, કમલેશભાઈ વીરજીભાઈ ગરસોદીયા, મગનભાઈ વાલજીભાઈ નારીયાણા, ભાવેશભાઈ મનસુખભાઈ રાજપરા અને રમેશભાઈ વાઘજીભાઈ સિણોજીયાને જાહેરમાં જુગાર રમતા પકડી રોકડ રૂ. 51,200 નો મુદ્દામાલ કબ્જે કરી ધોરણસરની કાર્યવાહી હાથ ધરવામાં આવી છે.
