મોરબી જીલ્લા એસ.પી રાહુલ ત્રીપાઠીની સુચનાથી તેમજ ડીવાયએસપી પી.એ.ઝાલાના માર્ગદર્શન હેઠળ મોરબી જીલ્લામા દારૂ તથા જુગારની બદી નેસ્તનામુદ કરી દુર કરવા કેશો શોધી કાઢવા સુચના કરેલ હોય જે અન્વયે કામગીરી કરતા દરમિયાન મોરબી સીટી બી ડિવિઝન પોલીસની ટિમ દ્વારા મહેન્દ્રનગર વિસ્તારમાંથી 05 શકુનિઓ જુગાર રમતા પકડી પાડ્યા છે.
મળતી માહિતી અનુસાર, મોરબી સીટી બી ડિવિઝન પોલીસની ટિમ ગઈકાલે પેટ્રોલીંગમા હોય તે દરમ્યાન તેઓને મળેલ ખાનગી હકીકતના આધારે, ઉમા વિલેજ, મહેંદ્રનગર મોરબી-૨ ખુલ્લા પટ્ટમાં રેઇડ કરી કૌશીકભાઇ નયનભાઇ ધાનાણી, ચેતનભાઇ ભગવાનજીભાઇ પરમાર, વિરલભાઇ રમેશભાઇ વ્યાસ, રમીનગીરી ઉમેદગીરી બાવાજી તથા અશોકભાઇ જેસાભાઇ વાઢેર નામના ઇસમોને ગંજીપતાના પાના પૈસા વતી તીનપતીનો નશીબ આધારીત હારજીતનો જુગાર રમતા રોકડા રૂ.૩૨,૭૦૦/- સાથે પકડી પાડી આરોપીઓ વિરૂધ્ધ કાયદેશરની કાર્યવાહી હાથ ધરી છે.
