મોરબીના કાલિકા પ્લોટ વિસ્તારમાંથી ચકલા-પોપટનો જુગાર રમાડતા એક શખ્સની અટકાયત

મળતી માહિતી મુજબ મોરબી સીટી એ ડિવિઝન પોલીસ ટીમ પેટ્રોલિંગમાં હોય તે દરમિયાન કાલિકા પ્લોટમાં નર્મદા હોલ નજીક અમુક ઈસમો કુંડાળું કરીને ગેર કાયદેસર રીતે પૈસાની હારજીતનો ચકલા-પોપટનો જુગાર રમતા ધ્યાને આવતા પોલીસે રેઇડ કરી હતી. ત્યારે પોલીસને દૂરથી આવતા જોઈ જુગાર રમી રહેલા શખ્સોમાં નાસભાગ મચી જવા પામી હતી ત્યારે ચકલા-પોપટનો જુગાર રમાડી રહેલ આરોપી સુનિલભાઈ લાભુભાઈ ધમેચા ઉવ.૩૦ રહે.મોરબી વજેપર શેરી નં.૨૧ વાળાને ઝડપી લેવામાં આવ્યો હતો. આ સાથે પકડાયેલ આરોપી પાસેથી પોલીસે ચકલા-પોપટના જુગાર રમાડવાનું સાહિત્ય તથા રોકડા ૪૩૦/- કબ્જે લઈ આરોપી સામે જુગારધારા હેઠળ ગુનો નોંધી આગળની તપાસ ચલાવી છે.