ટંકારાનાં સજનપર ગામેથી દેશી બંદૂક સાથે એક ઈસમ ઝડપાયો

રાજ્કોટ રેન્જ આઇ.જી. અશોકકુમાર યાદવ તથા મોરબી જિલ્લા એસ.પી. રાહુલ ત્રિપાઠી દ્વારા હથીયારધારાના કેસ શોધી કાઢવા તેમજ અસમાજીક પ્રવૃતિ નેસ્તનાબુદ કરવા સખત સુચના આપવામા આવેલ હોય જે અન્વયે કામગીરી કરતા દરમિયાન ટંકારા પોલીસ દ્વારા ટંકારા તાલુકાના સજનપર ગામેથી દેશી હાથ બનાવટની બંદુક સાથે આરોપીને પકડી પાડવામાં આવ્યો છે.

મળતી માહિતી અનુસાર, ગઈકાલે ટંકારા પોલીસની ટીમ પેટ્રોલીંગમાં હોય દરમ્યાન તેઓને મળેલ ચોક્કસ હકિક્તનાં આધારે ટંકારા તાલુકાના સજનપર ગામેથી ધનજીભાઇ દેવાભાઇ ધોળકીયા (રહે. સજનપરતા. ટંકારાજી.મોરબી) નામના ઇસમ દેશી હાથ બનાવટની રૂ. ૨૦૦૦/-ની કિંમતની બંદુક સાથે મળી આવતા ઇસમ વિરૂધ્ધ આર્મ્સ એકટ કલમ ૨૫(૧-બી)એ તથા જી.પી.એકટ ૩૭(૧),૧૩૫ મુજબ ગુન્હો રજી. કરી કાયદેસરની કાર્યવાહી હાથ ધરવામાં આવી છે.