વાંકાનેરના ચંદ્રપુર ગામેથી ઘર પાસે પાર્ક કરેલ પશુપાલનના ધંધાર્થીના બાઇકની ઉઠાંતરી

વાંકાનેરના ચંદ્રપુર ગામે પાણીના ટાંકા પાસે રહેતા રફીકભાઈ અબ્દુલભાઇ મોળ ઉવ.૩૮ એ ગત તા.૨૨/૦૮ના રોજ રાત્રીના પોતાના ઘર પાસે પોતાનું હોન્ડા કંપનીનું સાઈન રજી.નં. જીજે-૩૬-એઈ-૬૨૫૧ બ્લેક કલરનું મોટર સાયકલ ઘર પાસે શેરીમાં પાર્ક કરેલ હોય જે કોઈ અજાણ્યો વાહન ચોર ઈસમ ત્યાંથી ચોરી કરીને લઈ જતા, મોટર સાયકલ ચોરી અંગે રફીકભાઈએ ઈ-એફઆઈઆર નોંધાવ્યા બાદ રૂબરૂ વાંકાનેર સીટી પોલીસ મથકમાં ફરિયાદ નોંધાવતા પોલીસે અજાણ્યા વાહન ચોર સામે ગુનો નોંધી તપાસના ચક્રો ગતિમાન કર્યા છે.