મોરબીના કાલિકા પ્લોટ વિસ્તારમાં તીનપત્તીનો જુગાર રમતા ત્રણ પકડાયા

મળતી માહિતી અનુસાર મોરબી સીટી એ ડિવિઝન પોલીસ પેટ્રોલિંગમાં હોય તે દરમિયાન કાલિકા પ્લોટ શેરી નં.૧ માં જાહેરમાં જુગારની મહેફિલ માંડી બેઠેલા ત્રણ ઈસમો પૈસાની હારજીતનો તીનપત્તીનો જુગાર રમતા સિરાજભાઈ રહેમતુલ્લાભાઈ સુરાણી ઉવ.૫૯ રવાપર રોડ દાઉદી પ્લોટ ડાયમંડ હાઇટ્સ, અનિલભાઈ સાદરુદીનભાઈ હાજીયાણી ઉવ.૫૫ રહે.શક્તિ પ્લોટ-૮ હારવીન એપાર્ટમેન્ટ તથા શાહબુદિનભાઈ રહેમતુલ્લાભાઈ સુરાણી ઉવ.૬૨ રહે.રવાપર રોડ દાઉદી પ્લોટ ડાયમંડ હાઇટ્સ વાળાને રંગેહાથ પકડી લેવામાં આવ્યા હતા. પોલીસે સ્થળ ઉપરથી રોકડા રૂ.૧૦,૨૬૦/-કબ્જે કરી ત્રણેય આરોપીઓ સામે જુગારધારા હેઠળ ગુનો નોંધી કાયદેસરની કાર્યવાહી કરવામાં આવી છે.