મોરબી સીટી બી ડિવિઝન પોલીસે પૂર્વ બાતમીને આધારે મહેન્દ્રનગર નજીક આવેલ કોમ્પ્લેક્ષના બીજા માળે સ્પા પાર્લરમાં રેઇડ કરીને વિદેશી દારૂની એક બોટલ સાથે સ્પા-સંચાલક ઉત્તરપ્રદેશના એક યુવકની આરોપી તરીકે અટકાયત કરવામાં આવી છે.
પ્રાપ્ત વિગતો મુજબ, મોરબી સીટી બી ડિવિઝન પોલીસ મથક ટીમને બાતમી મળેલ કે મહેન્દ્રનગર સ્થિત એક કોમ્પ્લેક્સના બીજા માળે આવેલ સન સ્પા પાર્લરમાં વેચાણ અર્થે ઈંગ્લીશ દારૂની બોટલ રાખવામાં આવી હોય જેથી પોલીસ દ્વારા ઉપરોક્ત સન સ્પામાં દરોડો પાડતા રિસેપ્શન-ટેબલના ખાનામાંથી વિદેશી દારૂની જેમશન ટ્રિપલ ડિસ્ટીલેટેડ વ્હિસ્કીની ૧ નંગ બોટલ કિ.રૂ.૨,૦૦૦/- મળી આવી હતી આથી પોલીસે સ્પા-સંચાલક આરોપી મોહમદ ઝૈદ મોહમદ જાવેદ ખાન ઉવ.૧૯ રહે.હાલ મોરબી મહેન્દ્રનગર સન સ્પા પાર્લરમાં મૂળ કાનપુર બકરમંડી ઉત્તરપ્રદેશ વાળાની સ્થળ ઉપરથી અટકાયત કરવામાં આવી તેની વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી છે.
