મોરબીમાં આવેલ ત્રિકોણ બાગ ખાતે આવેલ પાર્કિંગમાં વિરપર ગામના નિવૃત વૃદ્ધે પોતાનું સુપર સ્પ્લેન્ડર બાઇક પાર્ક કરેલ હોય જે કોઈ અજાણ્યા વાહન ચોર ઈસમ દ્વારા ચોરી કરી લઈ ગયા અંગે સીટી એ ડિવિઝન પોલીસ મથકમાં ફરિયાદ નોંધાઈ છે.
પ્રાપ્ત વિગતો અનુસાર ટંકારા તાલુકાના વિરપર ગામે રહેતા પ્રભુલાલ શામજીભાઇ કોરીંગા ઉવ.૬૬ ગઈ તા.૦૨/૧૨ના રોજ મોરબી પોસ્ટ ઓફિસના કામ અર્થે પોતાના હીરો કંપનીના સુપર સ્પ્લેન્ડર રજી.નં. જીજે-૦૩-એફપી-૬૯૦૯ મોરબી આવ્યા હતા ત્યારે તેઓએ પોતાનું સુપર સ્પ્લેન્ડર બાઇક ત્રિકોણ બાગ અંદર આવેલ પાર્કિંગમાં પાર્ક કરીને પોસ્ટ ઓફિસમાં ગયા હતા, જે બાદ કામ પૂર્ણ થયે વૃદ્ધ ફરી જ્યાં પોતાનું બાઇક પાર્ક કરેલ ત્યાં આવ્યા હતા, ત્યારે જે જગ્યાએ બાઇક પાર્ક કર્યું હોય ત્યાંથી કોઈ વાહન ચોર ચોરી કરી લઈ ગયો હોવાનું સામે આવ્યું હતું, જેથી પ્રભુલાલભાઈએ બાઇક ચોરી અંગે પ્રથમ ઇ-એફઆઈઆર નોંધાવ્યા બાદ સીટી એ ડિવિઝન પોલીસ મથકમાં રૂબરૂ ફરિયાદ નોંધાવતા પોલીસે અજાણ્યા ચોર ઈસમ વિરુદ્ધ ગુનો નોંધી કાયદેસરની કાર્યવાહી હાથ ધરી છે.
