હળવદ ટાઉનમાં થયેલ ઘરફોડ ચોરીના ગુન્હાનો ભેદ ઉકેલવામાં હળવદ પોલીસે સફળતા મળી છે. આ કેસમાં ચીખલીગર ગેંગના એક સાગરીતને પકડવામાં આવ્યો છે, જ્યારે બે અન્ય આરોપીઓને વોન્ટેડ જાહેર કરવામાં આવ્યા છે.
પ્રાપ્ત વિગતો અનુસાર, હળવદ પોલીસ મથક પીઆઇ આર.ટી.વ્યાસની રાહબરી હેઠળ હળવદ ડી-સ્ટાફની ટીમે ઘરફોડ ચોરીના ગુન્હામાં સંડોવાયેલ ચીખલીગર ગેંગના સાગરીત આરોપી સોનુસિંહ શેરસિંહ રણજીતસિંહ ખીરચી લુહાર રહે.જામનગર યોગેશ્વરધામ ઢીંચડા રોડ, ખોડીયાર કોલોનીવાળાને પકડી પાડી ગુનાનો ભેદ ઉકેલી આરોપીની અટકાયત કરી કાયદેસરની કાર્યવાહી કરેલ છે, જ્યારે આ કેસમાં વધુ બે આરોપી શેરસિંહ રણજીતસિંહ ખીરચી લુહાર રહે.જામનગર યોગેશ્વરધામ ઢીંચડા રોડ, ખોડીયાર કોલોની તથા આરોપી જસબીરસિંગ ઉર્ફે રવિસિંગ જુની રહે. ભરૂચવાળાના નામ ખુલવા પામ્યા હોય જેથી હળવદ પોલીસે બન્ને આરોપીઓને પકડી લેવા ચક્રો ગતિમાન કર્યા છે.
