મોરબીના નાગડવાસ નજીક ડિવાઈડર કૂદીને આવેલ ટ્રકની હડફેટે બાઇક સવાર બે મિત્રો ઘાયલ

મોરબીના જુના નાગડાવાસ ગામના વતની હાલ મોરબી પંચાસર રોડ રાજનગર સોસાયટીમાં રહેતા મેરામભાઈ ભાનુભાઈ કુવાડીયા ઉવ.૩૧ અને તેમનો મિત્ર રમેશભાઈ મેણંદભાઈ ચાવડા એમ બન્ને મિત્રો મોટર સાયકલ રજી.નં. જીજે-૩૬-એ-૭૯૩૨ લઈને ગઈ તા.૨૮/૦૧ના રોજ સવારના તાલુકાના બહાદુરગઢ ગામે નોકરીએ જતા હોય ત્યારે સામેના હાઇવે રોડ ઉપર માળીયા(મી) તરફથી ટ્રક રજી.નં. જીજે-૧૨-બીએક્સ-૪૮૫૮ના ચાલકે પોતાનો ટ્રક ગફલતભરી રીતે ચલાવતા ટ્રક ડિવાઈડર કૂદીને સામેના રોડ ઉપર મેરામભાઈના બાઇકને હડફેટે લઈ અકસ્માત સર્જ્યો હતો, અકસ્માતમાં બન્ને મિત્રોને ઇજાઓ પહોંચતા ૧૦૮ મારફત મોરબીની ખાનગી હોસ્પિટલમાં સારવાર અર્થે ખસેડાયા હતા, જ્યાં મેરામભાઈને પગમાં ફ્રેકચર તેમજ રમેશભાઈને પગમાં ગંભીર ઇજાઓ પહોંચતા તેઓને વધુ સારવાર અર્થે રાજકોટ રીફર કરાયા હતા, ત્યારે મેરામભાઈની ફરિયાદને આધારે તાલુકા પોલીસે અકસ્માત સર્જનાર ટ્રક ચાલક વિરુદ્ધ ગુનો નોંધી આગળની તપાસ ચલાવી છે.