મોરબી સિટી એ ડિવિઝન પોલીસ સ્ટેશન વિસ્તારમાં અવાર નવાર વ્યાજ વટાવના ગુન્હામાં પકડાયેલ આરોપીને પકડી પાસા હેઠળ અમદાવાદ સાબરમતી જેલ ખાતે મોકલી આપવામાં આવ્યો છે.
મળતી માહિતી અનુસાર, મોરબી જીલ્લા પોલીસ અધિક્ષક રાહુલ ત્રિપાઠી, નાયબ પોલીસ અધિક્ષક પી.એ.ઝાલા મોરબીના માર્ગદર્શન હેઠળ મોરબી શહેરમાં ગેરકાયદેસર વ્યાજ વટાવના ધંધો કરી ગુન્હો આચરતા અસામાજીક તત્વોની પ્રવૃતીઓને ડામવા સુચના આપતા મોરબી સીટી એ ડિવીઝન પોલીસ સ્ટેશન વિસ્તારમાં અવાર નવાર વ્યાજ વટાવના ગુન્હાઓમા પકડાયેલ ૨૪ વર્ષિય અસામાજીક ઇસમ જયરાજભાઇ જીવણભાઇ સવસેટા તાલુકા.માળીયા(મી) વાળા વિરૂધ મોરબી સીટી એ ડીવીઝન દ્રારા પાસાની પ્રપોઝલ કરવામા આવી હતી. જે અન્વયે ડીસ્ટ્રીકટ મેજીસ્ટ્રેટ અને કલેક્ટર મોરબીનાઓએ પાસા પ્રપોઝલ મંજુર કરી પાસા વોરંટ ઇસ્યુ કર્યું હતું. જેથી ઇસમને મધ્યસ્થ જેલ સાબરમતી અમદાવાદ ખાતે પાસા વોરંટની બજવણી કરી મોકલવામા આવ્યો છે.
