મોરબી તાલુકાના મોડપર ગામની સીમમાં મહાદેવના મંદિર આગળ જામનગર માળીયા (મિં) હાઇવેની ગોલાઇ ઉપરથી એક ઇસમને હાથ બનાવટનો કટ્ટો હથિયાર સાથે મોરબી તાલુકા પોલીસે પકડી પાડયો છે. આરોપી હાથ બનાવટના કટ્ટા સાથે હોવાની બાતમીના આધારે રેઇડ કરી આરોપીને રૂ. ૨,૦૦૦ માં કટ્ટા સાથે પકડી આર્મ્સ એકટ હેઠળ ગન્હો રજીસ્ટર કરી આગળની તપાસ પોલીસ હેડ કોન્સ્ટેબલ એ.પી.જાડેજાને સોંપવામાં આવી છે.
મળતી માહિતી અનુસાર, પોલીસ મહાનિરીક્ષક અશોકકુમાર યાદવે ગેર કાયદેસર હથિયારો શોધી કાઢવા સુચના આપતાં પોલીસ અધિક્ષક રાહુલ ત્રિપાઠી મોરબી જીલ્લા, નાયબ પોલીસ અધિક્ષક પી.એ.ઝાલા મોરબી વિભાગના સીધા માર્ગદર્શન હેઠળ ગેરકાયદેસર હથિયાર ધારાના વધુમાં વધુ કેસો શોધી કાઢવા સુચના આપી હતી. જે અંતર્ગત આજરોજ પોલીસ ઇન્સ્પેકટર એસ.કે.ચારેલની સુચના અને માર્ગદર્શન હેઠળ સર્વેલન્સ સ્ટાફના મણસો પેટ્રોલીંગમાં હતા. તે દરમ્યાન પોલીસ કોન્સ્ટેબલ ભગીરથભાઇ લોખીલ, મહેન્દ્રસિંહ ચુડાસમાને ખાનગી બાતમી મળી કે, મોરબી તાલુકાના મોડપર ગામની સીમમાં મહાદેવના મંદિર આગળ જામનગર માળીયા (મિં) હાઇવેની ગોલાઇ ઉપર એક ઇસમ હથિયાર સાથે શંકાસ્પદ હાલતમાં ઉભો છે. જે બાતમીના આધારે તે જગ્યાએ જઇ રેઇડ કરતા એક ઇસમ દેશી હાથ બનાવટનો કટ્ટો હથિયાર કિંમત રૂ. ૨,૦૦૦ સાથે મળી આવતા આરોપી યુનીશભાઈ જુસબભાઈ સુમરા વિરૂદ્ધ આર્મ્સ એકટ હેઠળ ગન્હો રજીસ્ટર કરી આગળની તપાસ પોલીસ હેડ કોન્સ્ટેબલ એ.પી.જાડેજાને સોંપવામાં આવી છે.
જેમાં પોલીસ ઇન્સેકટર એસ.કે. ચારેલ, પોલીસ હેડ કોન્સ્ટેબલ એ.પી.જાડેજા, મહાવીરસિંહ પરમાર, ચંન્દ્રસિંહ પઢીયાર, દેવશીભાઈ મોરી, પોલીસ કોન્સ્ટેબલ કેતનભાઇ અજાણા, રમેશભાઈ મુંધવા, ભગીરથભાઈ લોખીલ, મહેન્દ્રસિંહ ચુડાસમા, કુલદિપભાઇ કાનગડ, વિજયભાઇ ડાંગર, અરવિદભાઇ મકવાણા, શક્તિસિંહ જાડેજા, અજયભાઈ લાવડીયા, સિધ્ધરાજભાઇ લોખીલ, ફુલદીપભાઇ કાનગડ, અરવિંદભાઇ મકવાણા, અર્જુનસિંહ પરમાર,હસમુખભાઇ વોરા, રામદેવસિંહ જાડેજા દ્વારા કામગીરી કરવામાં આવી હતી.
