હળવદના જુના દેવળીયા ગામે ગેરેજની દુકાનમાંથી ૭ ચપલા સાથે એકની ધરપકડ.

હળવદ તાલુકાના જુના દેવળીયા ગામના પાટીયા પાસે મોટર સાયકલ ગેરેજની દુકાનમાંથી વિદેશી દારૂની નાની ૭ બોટલ સાથે એક ઇસમને હળવદ પોલીસ દ્વારા ઝડપી લેવામાં આવ્યો છે.

મળતી માહિતી મુજબ, હળવદ પોલીસ ટીમ પેટ્રોલિંગમાં હોય તે દરમિયાન ખાનગીરાહે બાતમી મળેલ કે જુના દેવળીયા ગામના પાટીયા પાસે આવેલ કલ્પેશભાઈ અઘારા પોતાની ‘જય અંબે મોટર સાયકલ ગેરેજ નામની દુકાનમાં ગેરકાયદેસર વિદેશી દારૂનો જથ્થો રાખી તેનું વેચાણ કરે છે, જે બાતમીને અનુસંધાને તુરંત હળવદ પોલીસ ટીમે ઉપરોક્ત દુકાનમાં રેઇડ કરતા, દુકાનમાંથી વિદેશી દારૂની ૧૮૦મીલી.ની ૭ નંગ બોટલ કિ.રૂ.૭૦૦/- મળી અવવી હતી. આ સાથે આરોપી કલ્પેશભાઈ જયંતીભાઈ અઘારા ઉવ.૩૫ ધંધો-ખેતી રહે. જુના દેવળીયા તા. હળવદ વાળાની સ્થળ ઉપરથી ધરપકડ કરવામાં આવી હતી. પકડાયેલ આરોપી વિરુદ્ધ પોલીસે પ્રોહી.એક્ટ હેઠળ ગુનો નોંધી વધુ તપાસની તજવીજ હાથ ધરી છે.