હળવદ-મોરબી હાઇવે પર સુંદરગઢ ગામ નજીક બ્રાહ્મણી નદીના પુલ પરથી મહિલા હેલ્થ ઓફિસર એ પાણીમાં ઝંપલાવી આપઘાત કર્યો છે.ત્યારે હળવદ પોલીસે મૃતદેહને પીએમ અર્થે ખસેડી આગળની તપાસ હાથ ધરી છે.
હળવદના સાપકડામાં સામુહિક આરોગ્ય કેન્દ્રમાં હેલ્થ ઓફિસર તરીકે ફરજ બજાવતી હિમાનીબેન પ્રજાપતિ એ હળવદના સુંદરગઢ નજીક નદીમાં ઝંપલાવી આપઘાત કર્યો હોવાની ઘટના સામે આવી છે. બનાવની જાણ થતા હળવદ પોલીસે ઘટનાસ્થળે પહોંચી તપાસ કરતા મૃતક મહિલાનું એક્ટિવા અને પર્સ ત્યાં જ પુલ પર બિનવારસી હાલતમાં મળી આવ્યા હતા.જે બાદ પોલીસે ગ્રામજનોની મદદથી મૃતદેહને બહાર કાઢી પીએમ અર્થે ખસેડી આગળની કાર્યવાહી હાથ ધરી છે.અત્રે ઉલ્લેખનીય છે કે, મૂળ મહેસાણા જિલ્લાના ખેરાલુ ગામના હિમાનીબેન હળવદ શહેરમાં રહેતા હતા અને હળવદ તાલુકાના સાપકડા ગામે સીએચસી સેન્ટરમાં હેલ્થ ઓફિસર તરીકે ફરજ બજાવતા હતા.ત્યારે હિમાનીબેને ક્યાં કારણસર આત્મહત્યાનું પગલું ભર્યું તે દિશામાં પોલીસ તપાસનો ધમધમાટ શરુ થયો છે
