લમ્પી સ્કીન ડીસીઝનો કહેર દિવસેને દિવસે વધતો જોવા મળી રહ્યો છે. લમ્પી સ્કીન ડીસીઝના કારણે અનેક ગાયો મોતને ભેટી છે. ત્યારે હળવદમાં લમ્પી વાયરસ ગ્રસ્ત ગૌવંશની હળવદના સેવાભાવી યુવાનો દ્વારા સેવા કરવામાં આવી રહી છે. જેમાં તેઓને હળવદ નગરપાલિકા અને પશુ પાલન શાખાનો વિશેષ સહયોગ મળી રહ્યો છે.
વર્તમાન સમયે ગૌવંશમાં જીવલેણ લમ્પી વાયરસ હળવદમાં ખૂબ પ્રસર્યો છે. ત્યારે રસ્તા પર રહેલ ગૌવંશ લમ્પી વાયરસથી પીડાય ત્યારે હળવદના સેવાભાવી યુવાનો નિસ્વાર્થ ભાવે તેની સેવામાં સ્વયંભૂ રીતે જોડાયા છે અને આયુર્વેદિક લડવા અને જરૂર પડ્યે પશુ ડોક્ટરને બોલાવી સારવાર આપી રહ્યા છે. સાથે હાઈવે પર એક્સિડન્ટ ઘટે તેવા શુભ આશયથી રેડિયમના બેલ્ટ પણ ગૌવંશના ગળે બાંધવામાં આવી રહ્યાં છે. ત્યારે આ સમગ્ર કામગીરીમાં શ્રી રામ ગૌશાળા – શ્રી હળવદ પાંજરાપોળ અને ૐ ગૌસેવક મંડળ સહિત સેવાભાવી યુવાનો છેલ્લા ૧૫ દિવસથી આ સેવાકાર્યમાં જોડાયા છે, જેમાં તેમને હળવદ નગરપાલિકા અને પશુપાલન ખાતાનો પુરતો સહયોગ મળી રહ્યો છે.
