ગુજરાત પોલીસના પ્રોજેક્ટ તેવા ‘તેરા તુજકો અર્પણ’ અંતર્ગત વાંકાનેર સીટી પોલીસ દ્વારા “CEIR” પોર્ટલના ઉપયોગથી પોલીસ સ્ટેશન વિસ્તારમાંથી આશરે રૂ.૨,૪૪,૦૦૦/- ની રોકડ તથા ૧૨ જેટલા ખોવાયેલ મોબાઇલો શોધી કાઢી મૂળ માલિકને પરત કરવામાં આવ્યા છે.
મળતી માહિતી અનુસાર, મોરબી જીલ્લા એસ.પી. મુકેશકુમારે પ્રજા કલ્યાણ તથા પ્રજા ઉપયોગી કાર્યવાહી કરવા સુચના કરેલ હોય તેમજ વાંકાનેર સીટી પોલીસ સ્ટેશનનાં પોલીસ ઇન્સપેક્ટર એચ.એ.જાડેજાના સુપરવિઝન હેઠળ વાંકાનેર સીટી પોલીસ સ્ટેશનનાં ખોવાયેલ/ચોરાયેલ મોબાઇલ શોધી કાઢવા સુચના કરવામાં આવી હતી.
જે અનુસંધાને વાંકાનેર સીટી પોલીસે “CEIR પોર્ટલનો ઉપયોગ કરી “CEIR”મા એંટ્રી કરી સતત મોનીટરીંગ રાખી ટેક્નીકલ વર્ક આઉટ કરી કુલ ૧૨ જેટલા આશરે રૂ.૧,૭૮,૮૦૦/- ની કિંમતના મોબાઇલો તથા ચોરાયેલ રોકડ રૂપિયા કુલ રૂ.૨,૪૪,૦૦૦/- શોધી કાઢી એક સાથે પરત અપાવી સુરક્ષા સાથે સેવાનુ ઉત્તરદાયિત્વ નિભાવી, પોલીસ પ્રજાની મિત્ર છે. એ સુત્ર વાંકાનેર સીટી પોલીસે સાર્થક કરી બતાવ્યું છે
