Saturday, November 29, 2025
HomeGujaratમોરબીના પંચાસર રોડ ઉપર ઇનોવા કારની ઠોકરે મોટર સાયકલ ચાલક પ્રૌઢનું મૃત્યુ

મોરબીના પંચાસર રોડ ઉપર ઇનોવા કારની ઠોકરે મોટર સાયકલ ચાલક પ્રૌઢનું મૃત્યુ

મોરબીમાં વધુ એક માર્ગ અકસ્માતની ઘટનામાં મોટર સાયકલ ચાલક પ્રૌઢનું મૃત્યુ નીપજ્યું છે, જેમાં શહેરના પંચાસર રોડ સતવારા સમાજની વાડી સામે રોડ ઉપર ઇનોવા કારના ચાલકે આગળ જતાં મોટર સાયકલને ટક્કર મારી અકસ્માત સર્જ્યો હતો. જે અકસ્માતમાં મોટર સાયકલ પ્રૌઢને શરીરે અને માથામાં ગંભીર ઇજા પહોચતા, તેમનું સ્થળ ઉપર જ મૃત્યુ નીપજ્યું હતું.

- Advertisement -
- Advertisement -

મળતી વિગતો મુજબ, શીવનગર પંચાસર ગામે રહેતા શિવાભાઈ કાનાણી ગઈકાલે સાંજે પંચાસર રોડ ઉપર પોતાની પાનની દુકાનેથી પોતાના ઘરે સ્પ્લેન્ડર પ્લસ મોટર સાયકલ રજી.નં. જીજે-૩૬-ક્યુ-૪૮૩૪ લઈને પંચાસર ગામ જતા હોય તે દરમિયાન પંચાસર રોડ સતવારા સમાજની વાડી નિશા પ્રોવિઝન સ્ટોરની સામે રોડ ઉપર પહોંચ્યા ત્યારે પાછળથી આવતી ઇનોવા કાર રજી.નં. જીજે-૩૬-એએફ-૧૨૫૨ ના ચાલકે પોતાની કાર ફૂલ સ્પીડમાં અને બેદરકારી રીતે ચલાવી આવી મોટર સાયકલને હડફેટે લેતા, મોટર સાયકલ ચાલક શિવાભાઈ કાનાણીને પગમાં શરીરે અને માથામાં ગંભીર ઇજાઓ પહોચતા તેમનું સ્થળ ઉપર મૃત્યુ નીપજ્યું હતું. બનાવની જાણ થતાં મૃતકના દીકરા ધવલભાઈ શિવાભાઈ કાનાણી સ્થળ ઉપર પહોંચી તેમના પિતાજીના મૃતદેહને સરકારી હોસ્પિટલ ખાતે લાવ્યા હતા, હાલ મૃતકના દીકરા ધવલભાઈની ફરિયાદને આધારે એ ડિવિઝન પોલીસે આરોપી ઇનોવા કારના ચાલક સામે ગુનો નોંધી કાયદેસરની કાર્યવાહી હાથ ધરી છે.

- Advertisment -
- Advertisment -

Stay Connected

13,000FansLike
200FollowersFollow
50FollowersFollow
500SubscribersSubscribe

Most Popular

error: Content is protected !!