મોરબી શાગેરના ગાયત્રીનગર શેરી નં.૩ માં જાહેરમાં જુગાર રમતા ૬ પત્તાપ્રેમીને સીટી એ ડિવિઝન પોલીસે રંગેહાથ ઝડપી લીધા હતા, આ સાથે પોલીસે તમામ આરોપીઓ સામે જુગારધારા હેઠળ કાર્યવાહી હાથ ધરી છે.
મોરબી સીટી એ ડિવિઝન પોલીસ ટીમ નાઈટ રાઉન્ડ પેટ્રોલિંગમાં હોય તે દરમિયાન શહેરના વાવડી રોડ ઉપર ગાયત્રીનગર શેરી નં. ૩ માં સ્ટ્રીટ લાઈટના અજવાળે ગંજીપત્તાના પાના વડે રૂપિયાની હારજીતનો ત્રણ પાનાનો જુગાર રમતા શૈલેષભાઇ દેવજીભાઈ મામેજા ઉવ.૨૯ રહે. ત્રાજપર ખારી મોરબી, જગદીશભાઈ ઉર્ફે જયદીપ શીવાભાઈ ખટાણા ઉવ.૩૦ રહે. વાવડી રોડ ગાયત્રીનગર મોરબી, સંજયભાઈ ધનજીભાઈ ગણેશિયા ઉવ.૩૦ રહે.ત્રાજપર ખારી મોરબી તથા અંજનાબેન જગદીશભાઈ શિવાભાઈ ખટાણા ઉવ.૩૫ રહે.વાવડી રોડ ગાયત્રીનગર મોરબી, કરુણાબેન દિનેશભાઇ જીવણભાઈ ઉવ.૨૮ રહે. લખધીરનગર નવાગામ તા.મોરબી તેમજ વનીતાબેન હરેશભાઇ અવચરભાઈ રાઠોડ ઉવ.૨૯ રહે.મોરબી ત્રાજપર ખારી વાળાને રોકડા રૂ.૧૬,૧૦૦/-સહિતના મુદ્દામાલ સાથે ઝડપી લેવામાં આવ્યા હતા. હાલ એ ડિવિઝન પોલીસે તમામ આરોપી સને જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.









