મોરબી એલસીબી પોલીસ ટીમે પૂર્વ બાતમીને આધારે માળીયા(મી) ની માલાણી શેરીમાં આવેલ લિસ્ટેડ બુટલેગર ફારૂક જેડાના રહેણાંક મકાને રેઇડ કરતા જ્યાંથી ૪૦૦ લીટર દેશી દારૂ બનાવવાનો આથો ઝડપી લેવામાં આવ્યો હતો, રેઇડ દરમિયાન અન્ય એક આરોપીની અટકાયત કરવામાં આવી હતી, જ્યારે આરોપી ફારૂક જેડા રેઇડ દરમિયાન હાજર નહિ મળી આવતા તેને આ કેસમાં વોન્ટેડ જાહેર કરી મોરબી ક્રાઇમ બ્રાંચ ટીમે માળીયા(મી) પોલીસ મથકના પ્રોહી.એક્ટ હેઠળ ગુનો નોંધાવી આગળની તપાસ શરૂ કરી છે.
મોરબી ક્રાઇમ બ્રાંચ ટીમ નાઈટ રાઉન્ડ પેટ્રોલિંગમાં હોય તે દરમિયાન બાતમી મળી કે, માળીયા(મી) ટાઉનમાં માલાણી શેરીમાં આવેલ બુટલેગર ફારૂક જેડાના કબ્જા ભોગવટા વાળા મકાનમાં દેશી દારૂ ગાળવાની ભઠ્ઠીમાં દેશી દારૂ બનાવી ફારૂક જેડા તેનું વેચાણ કરે છે, જેથી તુરંત ઉપરોક્ત સ્થળે એલસીબી પોલીસ ટીમે દરોડો પાડતા, મકાનમાંથી ૪૦૦ લીટર દેશી દારૂ બનાવવાનો આથો કિ. રૂ.૧૦,૦૦૦/- મળી આવ્યો હતો. રેઇડ દરમિયાન આરોપી મોશીનભાઈ આદમભાઈ માલાણી ઉવ.૩૫ રહે.માલાણી શેરી માળીયા(મી) વાળાની ધરપકડ કરવામાં આવી છે, જ્યારે મુખ્ય આરોપી ફારૂકભાઈ દિલાવરભાઈ જેડા રહે. જેડાવાસ માળીયા(મી)વાળો હાજર મળી નહીં આવતા તેને ફરાર દર્શાવી મોરબી એલસીબી પોલીસે બન્ને આરોપીઓ સામે માળીયા(મી) પોલીસ મથકમાં પ્રોહી.એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.









