વાંકાનેરના માટેલ રોડ પર લેબર ક્વાર્ટરમાં મધ્યપ્રદેશના યુવકે ગળેફાંસો ખાઈ જીવન ટુંકાવ્યું

વાંકાનેરના ઢુવા માટેલ રોડ પર સ્થિત રોલસ્ટાર સિરામિકના લેબર ક્વાર્ટરમાં મધ્યપ્રદેશના ૨૭ વર્ષીય યુવકે અજાણ્યા કારણોસર ગળેફાંસો ખાઈ જીવન ટૂંકાવ્યું છે. વાંકાનેર તાલુકા પોલીસે અ.મોતની નોંધ કરી છે.

વાંકાનેર તાલુકામાં ફેક્ટરીમાં આત્મહત્યાનો વધુ એક બનાવ સામે આવ્યો છે. પ્રાપ્ત વિગતો મુજબ ઢુવા માટેલ રોડ પર આવેલી રોલસ્ટાર સિરામિક ફેક્ટરીમાં સુપરવાઇઝર તરીકે કામ કરતા મૂળ સાગર જીલ્લાના બંડા તાલુકાના ખુવારી ગામમાં મધ્યપ્રદેશના રહેવાસી મુલામસિંહ ઉત્તમસિંહ લોધી ઉવ.૨૭ એ રોલસ્ટાર ફેક્ટરીના લેબર ક્વાર્ટરમાં ગળેફાંસો ખાઈ આત્મહત્યા કરી લીધી હતી. મૃતદેહને વાંકાનેર સરકારી હોસ્પિટલ ખસેડતા પોલીસે અ. મોતની નોંધ કરી આગળની કાર્યવાહી હાથ ધરી છે