મોરબીના ઘુંટુ ગામ નજીક કોરલ ટાઈલ્સ યુનિટ-૨ ખાતે ફરજ બજાવતા મધ્યપ્રદેશના સિક્યુરિટી ગાર્ડ અચાનક બેભાન થતા હોસ્પિટલ ખસેડાયા હતા. જ્યાં ચાલુ સારવાર દરમિયાન તબીબે તેઓને મૃત જાહેર કરતા મોરબી તાલુકા પોલીસે અ.મોત દાખલ કરી વધુ તપાસ શરૂ કરી છે.
મોરબી તાલુકાના ઘુંટુ ગામની સીમામાં આવેલી કોરલ ટાઇલ્સ યુનિટ-૨ ખાતે કામ ઉપર રહેલા ૫૦ વર્ષીય રાજુ રામમિલન વિશ્વકર્માનું રહે. મૂળ મધ્યપ્રદેશના કટની જીલ્લાના મુડવારા શહેરના કાવાજી વોર્ડ નં.૩૩ લખીરા ભીમરાવ ચોકના રહેવાસી અને હાલ કોરલ ટાઇલ્સ યુનિટ-૧ની લેબર કોલોની વાળા ગઈકાલ તા. ૨૮/૧૧ના રોજ ફરજ ઉપર હતા તે દરમિયાન બેભાન થઈ ઢળી પડતા તેમને તાત્કાલિક ૧૦૮ એમ્બ્યુલન્સ મારફતે મોરબી સરકારી હોસ્પિટલ ખસેડ્યા હતા. જ્યાં ચાલુ સારવાર દરમિયાન તેમનું મૃત્યુ નુપજ્યું હતું. મોરબી તાલુકા પોલીસે મૃત્યુના બનાવ અંગે અ.મોત રજીસ્ટર કરી આગળની ઘટિત કાર્યવાહી હાથ ધરી છે
