ટંકારા: જીવાપર અમરાપર ગામે વાડીના કૂવામાં પડી જતા પ્રૌઢનું મોત

ટંકારા તાલુકાના જીવાપર અમરાપર ગામની વાડીમાં કૂવામાં પડી જતા ૫૦ વર્ષીય પ્રૌઢનું પાણીમાં ડૂબી જતા મૃત્યુ પામ્યા હતા. ઘટના અંગે પોલીસને જાણ થતાં ટંકારા પોલીસે સ્થળ ઉપર પહોંચી અ.મોતની નોંધ કરી છે.

ટંકારા તાલુકાના જીવાપર અમરાપર ગામની સીમમાં ગઈ તા ૨૮/૧૧ ના બપોરે ૫૦ વર્ષીય પ્રવિણભાઇ ગોવિંદભાઇ દેલવાડીયા રહે.હજામચોરા તા.ધ્રોલ જી.જામનગર વાળા કોઈ અજાણ્યા કારણસર કિશોરભાઇ રામજીભાઇ હલવદીયાની વાડીના કુવાની અંદર પડી ગયા હતા. તેઓ કૂવામાં પડી જતાં પાણીમાં ડૂબી ગયા અને ઘટના સ્થળે જ મોત નીપજ્યું હતું. ઘટનાની જાણ થતા પોલીસ સ્થળ ઉપર પહોંચી તપાસ હાથ ધરતા જેમાં મૃતકના મોટાભાઈ બળવંતભાઈ ગોવિંદભાઇ દેલવાડીયા રહે. હાલ મોરબી નાની કેનાલ રોડ શ્યામ રેસિડેન્સી મૂળ હજામચોરા જી.જામનગર વાળા પાસેથી મૃતકની પ્રાથમિક વિગતો મેળવી અ.મોતની નોંધ કરી છે.