મોરબીના દલવાડી સર્કલ નજીક એકટીવામાં બિયરના ૪૮ ડબલા સાથે બે પકડાયા, સપ્લાયરનું નામ ખુલ્યું

મોરબી સીટી એ ડિવિઝન પોલીસ પેટ્રોલિંગમાં હોય તે દરમિયાન દલવાડી સર્કલ નજીક શંકાસ્પદ હાલતમાં એકટીવા રજી.નં. જીજે-૩૬-એએમ-૨૧૦૨ ઉપર નીકળેલા બે શખ્સોને રોકી તેની પાસે રહેલ બાચકાની તલાસી લેતા તેમાંથી કિંગફિશર બિયરના ૪૮ ટીન કિ.રૂ.૭,૬૮૦/-મળી આવ્યા હતા. જેથી એકટીવા ચાલક આરોપી દિલીપભાઈ મગનભાઈ ધોળકીયા ઉવ.૩૦ અને મનોજભાઈ ધનજીભાઈ ધોળકીયા ઉવ.૨૭ બન્ને રહે. શકત શનાળા વાળાની અટક જારવામાં આવી હતી. જ્યારે આરોપીઓની સઘન પૂછતાછમાં આ બિયરનો જથ્થો નિલેશભાઈ ઉર્ફે હકુ પુનાભાઈ વાળા રહે. મોરબી શનાળા બાયપાસ મનુભાઈ પાર્ક મોરબી વાળા પાસેથી લાવ્યા હોવાની કબૂલાત આપી હતી. હાલ પોલીસે બિયર તથા એકટીવા સહિત રૂ.૫૭,૬૮૦/-નો મુદ્દામાલ કબ્જે લઈ ત્રણેય આરોપીઓ સામે પ્રોહી.એક્ટ હેઠળ ગુનો નોંધી વધુ તપાસની તજવીજ શરૂ કરી છે.