મોરબી શહેર અને તાલુકાના બે અલગ અલગ સ્થળોએ પોલીસના દરોડામાં વિદેશી દારૂની કુલ ૧૩ બોટલ સાથે બે શખ્સોની અટકાયત કરવામાં આવી છે. બી ડિવિઝન અને તાલુકા પોલીસે અલગ અલગ બંને આરોપીઓ વિરુદ્ધ પ્રોહી.હેઠળ ગુનો નોંધી કાયદેસરની કાર્યવાહી હાથ ધરી છે.
મળતી માહિતી મુજબ, મોરબી બી ડિવિઝન પોલીસ મથક ટીમ પેટ્રોલિંગમાં હોય તે દરમિયાન સામાકાંઠા વિસ્તારમાં સો ઓરડી વરીયાનગરથી આરોપી સંદિપભાઈ બેચરભાઈ ચાઉ ઉવ.૩૨ રહે. સો ઓરડી વરીયાનગર શેરી નં.૮ વાળાને વિદેશી દારૂના ૬ નંગ ચપલા કિ.રૂ.૫૪૦/-સાથે ઝડપી લેવામાં આવ્યા હતા.
જ્યારે બીજા દરોડામાં મોરબી તાલુકા પોલીસે નીચી માંડલ ગામ નજીક ઇટાલસ વિટ્રિફાઇડ કારખાના પાસે દરોડો પાડી પ્રકાશભાઈ રમેશભાઈ સોલંકી ઉવ.૨૩ રહે. ઉંચી માંડલ તા.જી.મોરબી વાળાને વિદેશી દારૂ બ્લેન્ડર પ્રાઇડ વ્હિસ્કીની ૭ નંગ બોટલ કિ.રૂ.૬,૯૨૩/-સાથે ઝડપી પાડ્યો હતો. આ સાથે પોલીસે બંને આરોપીઓ સામે પ્રોહિબિશન એક્ટ હેઠળ ગુનો નોંધી આગળની વધુ તપાસ હાથ ધરી છે.
