પિતાના અવસાન બાદ ત્રણેય દીકરીઓએ પુત્રની ફરજ નિભાવી અંતિમવિધિ કરી

મોરબી જીલ્લા પંચાયતમાં ફરજ બજાવતા પૂજાબેન પંડ્યાના પિતાના અવસાન બાદ પૂજાબેન તથા તેમના બંને બહેનોએ પિતાની અંતિમવિધિ કરી પુત્રની ફરજ નિભાવી સમાજમાં દીકરીઓ પણ માતા-પિતાની જવાબદારી સમાન રીતે નિભાવી શકે તેવો સંદેશ આપ્યો હતો.

મોરબી જીલ્લા પંચાયતમાં ફરજ બજાવતા કર્મચારી પૂજાબેન પંડ્યાના પિતા નવીનચંદ્ર લાભશંકર પંડ્યાનું અવસાન થયું હતું. નવીનચંદ્રભાઈને કોઈ પુત્ર ન હોવાથી તેમની પુત્રી પૂજાબેન તથા તેમના બંને બહેનો ધારાબેન અને નેહાબેને પિતાની અંતિમવિધિ કરી પુત્રની ફરજ પૂર્ણ કરી હતી. ત્રણેય દીકરીઓએ પિતાના અંતિમ સંસ્કારની જવાબદારી નિભાવી સમાજમાં દીકરી પણ માતા-પિતાની અંતિમવિધિ સહિતની જવાબદારીઓ નિભાવી શકે તેવો પ્રેરણાદાયી સંદેશ આપ્યો હતો.