મોરબી એસઓજીની કાર્યવાહી: હોટલ સ્કાયલેન્ડ સામે શોપિંગની આસપાસથી રૂ.૫ હજારની પિસ્ટલ સાથે ૨૪ વર્ષીય યુવકને ઝડપી પાડ્યો.
હળવદમાં એસઓજી પોલીસે બાતમીના આધારે કાર્યવાહી કરી ગેરકાયદેસર દેશી પિસ્ટલ સાથે એક યુવકને ઝડપી પાડી હથિયાર કબજે કર્યું હતું. આ સાથે પકડાયેલ આરોપી વિરુદ્ધ જુગારધારા હેઠળ ગુનો નોંધાવી પોલીસે આગળની તજવીજ શરૂ કરી છે.
મોરબી એસઓજી પોલીસની ટીમ હળવદ વિસ્તારમાં પેટ્રોલિંગમાં હોય ત્યારે મળેલી બાતમીના આધારે અમદાવાદ-માળીયા હાઈવે પર મોરબી ચોકડી નજીક હોટલ સ્કાયલેન્ડ સામે નવા બની રહેલા શોપિંગ પાસે તપાસ હાથ ધરી હતી. દરમિયાન આરોપી રિન્કુ હરીસિંહ બઘેલ ઉવ.૨૪ રહે. રૂદ્ર-૨ સોસાયટી સરા રોડ હળવદ મૂળ મધ્યપ્રદેશ વાળાને રોકી તપાસ કરતાં તેના પેન્ટના નેફામાંથી દેશી હાથ બનાવટની પિસ્ટલ કઈ.રૂ.૫ હજાર મળી આવી હતી. આ સાથે એસઓજી પોલીસે પિસ્ટલ કબજે કરી આરોપીની ધરપકડ કરી હળવદ પોલીસ મથકમાં આર્મ્સ એક્ટ અને જીપી એક્ટ હેઠળ ગુનો નોંધી વધુ તપાસ હાથ ધરી છે.






