મોરબીમાં દિન પ્રતિદિન અકસ્માતોના બનાવોમાં વધારો થઈ રહ્યો છે. તેવામાં ગઈકાલે ટંકારામાં ધરતીધન હોટલ સામે કટ ઉપર બે કાર વચ્ચે અકસ્માત સર્જાયો હતો. જેમાં રોડની કટ પર ઉભેલ કારને પાછળથી આવ અન્ય કારે ઠોકર મારતા ફરિયાદ સહિત અન્ય મુસાફરો ઈજાગ્રસ્ત થયા છે.
મળતી માહિતી અનુસાર, સોનલબેન જગદીશભાઈ ઝાલાવડીયા નામની મહિલા તેના સાથીઓ સાથે ગત તા.૨૩/૧૧/૨૦૨૨ ના રોજ હિતેષભાઈ જેન્તીભાઈ અણેવાડીયાની જી.જે.૦૩.એફ.કે. ૫૦૮૧ નંબરની ઇકોમાં જઈ રહ્યા હતા. ત્યારે આરોપીએ પોતાની ગાડી પુરપાટ ઝડપે ચલાવી મોરબી રાજકોટ રોડ પર ધરતીધન હોટલ સામે કટ ઉપર પડેલ જી.જે.૦૩.સી.આર. ૩૨૦૮ નંબરની વેગનઆર ગાડીના પાછળના ભાગે ભટકાડી દેતા ફરિયાદી સહીત અનેક મુસાફરો ઈજાગ્રસ્ત થયા હતા. જે સમગ્ર મામલે સોનલબેને ટંકારા પોલીસ સ્ટેશનમાં ઇ.પી.કો. કલમ ૨૭૯, ૩૩૭, ૩૩૮ તથા એમ.વી.એકટ કલમ ૧૭૭,૧૮૪ મુજબ ગુનો દાખલ કરાવ્યો છે.
