હળવદના શિવપુર ગામે વાડીમાંથી સબમર્શીબલ મોટરની ચોરી થયાની ફરિયાદ નોંધાઈ

મળતી માહિતી અનુસાર હળવદ તાલુકાના શિવપુર ગામે રહેતા ખેડૂત લીલાધરભાઇ નાગજીભાઇ દેલવાડીયા ઉવ.૫૭ એ હળવદ પોલીસ મથકમાં અજાણ્યા તસ્કર વિરુદ્ધ ફરિયાદ નોંધાવી કે ગત તા.૨૩/૦૩ના સાંજના ૭ વાગ્યા થી ૨૪/૦૩ના સવારના ૧૦ વાગ્યા સુધીમાં શીવપુર ગામની સીમમાં લીલાધરભાઈએ વાવવા રાખેલ વાડીએ કુંડીમાં બંધ પડી ગયેલ વીસ હોર્સ પાવરની એસેમ્બલ ઇલેકટ્રીક સબર્મશીબલ મોટર કિ.રૂા.૧૦,૦૦૦/- ના માલમતાની કોઇ અજાણ્યો ઇસમ ચોરી કરી લઇ ગયાની ફરિયાદ નોંધાવતા હાલ પોલીસે લીલાધરભાઈની ફરિયાદના આધારે અજાણ્યા ચોર ઈસમ સામે ગુનો દાખલ કરી શોધખોળ શરુ કરી છે.