માળીયા તાલુકાનાં નવાગામે પાઇપલાઈન ખોદવાની ના પાડતા આધેડ ઉપર છરી વડે હુમલો : ફરીયાદ નોંધાઈ

બનાવની માળીયા (મી.) પોલીસ સ્ટેશનેથી પ્રાપ્ત વિગતો અનુસાર માળીયાના નવાગામે આવેલ દેવીપૂજક વાસમાં રહેતા મનસુખભાઇ શિવાભાઇ સુરેલા (ઉ.વ.-૪૮) એ આરોપીઓ રાહુલભાઇ મફાભાઇ તથા અવચરભાઇ રતનભાઇ સામે ફરિયાદ નોંધાવી હતી કે ગઈકાલે તા.૧૮ ના રોજ સવારના સાડા દશેક વાગ્યે નવાગામ ગામે દેવીપુજક વાસમા ફરીયાદીની આરોપીઓ પાઇપ લાઇન ખોદતા હોય, ફરિયાદીએ પાઇપ લાઇન ખોદવાની ના પાડતા આરોપીઓએ ઉશ્કેરાઇ જઇ ફરિયાદીને ગાળો બોલી છરીનો ઘા ગાલ પર તથા જમણા હાથે કાંડા પર મારી ઇજા કરી તેમજ ઢીકા પાટુનો માર મારીને ઇજા પહોંચાડી હતી. માળીયા પોલીસે આ બનાવની ફરિયાદ નોંધી ધોરણસરની કાર્યવાહી હાથ ધરી છે.