મોરબીના બગથળા પાસે બાઈક સ્લીપ થતા આધેડનું મોત

મોરબી: મોરબીના બગથળા પાસે બાઈક સ્લીપ થતા આધેડનું મોત નીપજ્યું હતું. આ બનાવની મોરબી તાલુકા પો.સ્ટે.થી પ્રાપ્ત વિગતો અનુસાર જયંતીલાલ પરસોતમભાઇ ચનીયારા ઉ.વ.૫૫ રહે-માણેકવાડા તા, જી.મોરબીવાળા ગત તા.૧૭/૦૬/૨૦૨૨ ના રોજ કોઈ કામસર પોતાના હીરો હોન્ડા બાઈક નં. GJ-03-ED-6693 લઈને મોરબીના બગથળાથી માણેકવાળા જવાના રસ્તે ભગવતી કારખાના સામે રોડ ઉપર પસાર થઈ રહ્યા હતા. તે સમયે પોતાની મો.સા. પરના સ્ટેરીંગ પરનો કાબુ ગુમાવી દેતા મો.સા. સ્લીપ ખાઇ જતા પોતાને માંથાના ભાગે ગંભીર ઇજાઓ થતા તેમનું મોત નીપજ્યું હતું. પોલીસે આ બનાવની ફરિયાદ નોંધી આગળની કાર્યવાહી હાથ ધરેલ છે.