મોરબીના મચ્છુ ૩ ડેમમાં ડૂબી જતા આધેડનું મોત

મોરબીનાં જુના ધરમપુરનાં રહેવાસી મનસુખભાઈ અવચરભાઈ ઝીંજવાડીયા (ઉં.વ.૪૫) નામનાં આધેડનું મચ્છુ-૩ ડેમમાં ડુબી જતાં ગઈકાલે મોત નિપજ્યું હતું. બનાવની જાણ થતા મોરબી તાલુકા પોલીસે દોડી જઈને મૃતદેહને બહાર કાઢી અને પીએમ માટે હોસ્પિટલ ખસેડીને બનાવની નોંધ કરી વધુ તપાસ હાથ ધરી હતી. પોલીસની પ્રાથમિક તપાસમાં મૃતક મનસુખભાઈ માછીમારી કરવા માટે મચ્છુ ૩ ડેમમાં ગયા હોય દરમ્યાન પાણીમાં ડૂબી જતા મૃત્યુ નીપજ્યું હોવાની માહિતી મળી હતી.