મોરબીના નજરબાગ રેલવે સ્ટેશન નજીકથી ૨૪ બિયરના ટીન સાથે યુવક ઝડપાયો, સપ્લાયરનું નામ ખુલ્યું

મોરબી સીટી બી ડિવિઝન પોલીસ ટીમે પેટ્રોલિંગ દરમિયાન નજરબાગ રેલવે સ્ટેશનથી આગળ જુના રફાળિયા રોડ પર શંકાસ્પદ હાલતમાં ઊભેલા રાહુલ શંકરભાઈ ધોળકિયા ઉવ.૨૯ રહે.ભડીયાદ કાંટા પાસે મોરબી-૨ વાળાની તપાસ કરતાં તેની પાસેથી કિંગફિશર બિયરના ૨૪ ટીન કિ.રૂ.૩,૦૦૦/- મળી આવ્યા હતા. આ સાથે પોલીસે મુદ્દામાલ કબજે કરી આરોપી રાહુલની ધરપકડ કરી હતી. ત્યારે પકડાયેલ આરોપીની પૂછપરછમાં તેણે આ બિયરનો જથ્થો અનીશ સલીમભાઈ પંજવાણી રહે. સો ઓરડી જારીયા પાનવાળી શેરી મોરબી-૨ પાસેથી મેળવ્યો હોવાનું જણાવ્યું હતું. જેથી પોલીસે આરોપી અનીશને ઝડપી પાડવા તપાસ હાથ ધરી છે. આ મામલે બન્ને આરોપીઓ સામે પોલીસે પ્રોહિબિશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.