વાંકાનેરમાં ઉછીના પૈસા આપવાની નાં પાડતા વેપારી ઉપર હુમલો

મારામારીના આ બનાવની વાંકાનેર તાલુકા પોલીસ સ્ટેશનેથી પ્રાપ્ત થતી વિગતો અનુસાર વાંકાનેરના માટેલ મંદીર પાસે રહેતા વેપારી જયદીપભાઇ હેમંતભાઇ કુણપરા (ઉ.વ. ૨૮) એ આરોપીઓ બદીયો કેશરભાઇ, સુનીલ, અનીલ, નીકો સામે ફરિયાદ નોંધાવી હતી કે ગત તા.૨૫ના રોજ રાત્રીના સાડા આઠેક વાગ્યાના અરસામાં માટેલ રોડ એરકોન સીરામીક પાસે ચાંમુડા મોબાઇલની દુકાને એક આરોપીએ જઇ ઉછીના પૈસા માગતા ફરીયાદીએ ના પાડતા આરોપીએ ફરીયાદીને ઢીકા પાટુનો માર માર્યો હતો ત્યારે સાહેદ હીરાભાઇ વચ્ચે પડી ફરીયાદીને બચાવ્યા હતા પણ એટલી વારમા અન્ય આરોપીઓ આવી જતા આરોપીઓએ હાથમાં રહેલ પાઇપ વડે ફરીયાદીને માર મારી શરીરે મુંઢ ઇજાઓ કરી ગાળો આપી જાનથી મારી નાખવાની ધમકી આપી હતી. વાંકાનેર પોલીસે આ બનાવની ફરિયાદ નોંધી વધુ તપાસ હાથ ધરી છે.