મોરબી માં આવેલ રવાપર ચોકડી પાસે સંગમ રેસીડેન્સી માં પતિ-પત્ની ના ઘરેલુ ઝઘડા નું સમાધાન કરવા ભેગા થયેલા પટેલ પરિવારમાં ઝઘડો થતાં ભાભી અને તેના પરિવારજનોએ મહિલા પર હુમલો કરી જાન થી મારી નાખવાની ધમકી આપ્યાની ફરિયાદ મોરબી સીટી એ ડિવિઝન માં નોંધાઈ છે
આ અંગેની માહિતી મુજબ મોરબીમાં એસ.પી રોડ પર આવેલ શ્રી હરિ ટાવર બ્લોક નંબર b ૩ માં રહેતી શિલ્પાબેન હિતેશભાઈ વીરપરા નામની પટેલ મહિલાએ મોરબી સીટી એ ડિવિઝન માં ફરિયાદ નોંધાવી છે જેમાં સામાવાળા તેના ભાભી ભાવિકા નલિન તેની માતા રેખાબેન ધીરજલાલ વાઘરીયા અને તેના પિતા ધીરજલાલ વલ્લભભાઈ વાઘરીયા સહિત અજાણ્યા પાંચ શખ્સોના નામ આપ્યા છે મહિલાએ ફરિયાદમાં જણાવ્યા પ્રમાણે ગઈકાલે બપોરના સમયે તેના ભાઈ નલીનભાઈ અને ભાભી ભાવિકા ને છેલ્લા અઢી વર્ષથી તકરાર ચાલતી હોય ગઈકાલે ભાભી ભાવિકા અને તેના માતા-પિતા જુનાગઢ થી મોરબી આવ્યા હોય દીકરાના જન્મનું પ્રમાણપત્ર અને તેના દાગીના લેવા આવ્યા હોય બંને ના પરિવારજનો સમાધાન માટે ભેગા થયા હોય ત્યારે ભાભી અને તેના માતા-પિતાએ ઝઘડો કરી શિલ્પાબેન અને રાધિકા બેન પર હુમલો કરી મારે મારી ધમકી આપી નાસી ગયા હતા બનાવના પગલે મહિલાએ સીટી એ ડીવીઝન પોલીસમાં ફરિયાદ નોંધાવતા હેડ કોસ્ટેબલ એમ પી સોનારા એ પ્રાથમિક તપાસ હાથ ધરી છે
