ટંકારા ખડકીનાકા પાસેથી ગુમ થયેલ આઠ વર્ષના બાળકનો ડેમી નદીમાંથી મૃતદેહ મળ્યો

ટંકારાના ધેટીયા વાસમાં કડિયા કામ કરતા શ્રમિક પરિવારનો દીકરો કુદરતી હાજતે ગયો હતો અને પાણીમાં ગરકાવ થઈ જતાં મોત નીપજ્યું હોવાનુ સામે આવ્યુ છે.

બનાવ અંગે મળતી વિગતો મુજબ ટંકારા શહેરના ધેટીયા વાસમાં મકાનમાં કડિયાકામ કરતા શ્રમિક પરિવારનો આઠ વર્ષનો ભુરો મેવારામ માહોર રહે હાલ મફતિયાપરા ટંકારા ખાતે સોમવારે કુદરતી હાજતે જવા માટે ખડકી નાકેથી નદીનાં પટમાં ગયો હતો અને કલાકો સુધી પરત ન ફરતા શ્રમિક પરિવારે શોધખોળ હાથ ધરી હતી ત્યારે ગુમ થયેલ બાળક નદીમાં ડુબી જવાથી મોત થયું હોય તરવૈયાની મદદથી મરણ જનાર બાળકને બહાર કાઢી હતી.