મોરબીના નાની વાવડી ગામે ગીરવે આપેલ જમીન પચાવી પાડનાર વિરુદ્ધ લેન્ડ ગ્રેબીગ હેઠળ ફરિયાદ નોંધાઈ

મોરબીનાં નાની વાવડી જુના ગામમાં પ્લોટ વિસ્તારમાં રહેતા જીતેન્દ્રભાઇ અમૃતલાલ આશર (ઉ.વ.૪૮) એ આરોપી દેવજીભાઇ જશમતભાઇ પડસુંબિયા વિરુદ્ધ ફરિયાદ નોંધાવી છે કે, ફરીયાદીની વડીલોપાર્જીત મોરબી તાલુકાના નાની વાવડી ગામમાં આવેલ સર્વે નં.૪૮૮ વાળી આશરે ૮ વિઘા જમીન પોતાના દાદા મગનલાલ ભાણજીભાઇ આસરએ આરોપીના પિતા જશમતભાઇ મોતીભાઇ પડસુંબીયાને રૂ. ૩૦૦૦/- સામે સને-૧૯૭૭માં ગીરવે આપી હતી અને ત્યારથી જ આ જમીનનો કબ્જો તેઓની પાસે હોય અને બાદ હાલ આ જમીન આરોપી પાસે હોય જેઓને ફરીયાદીએ જમીન ગીરવેમાંથી છોડાવવા કહેતા પરત આપેલ ન હોય અને અનઅધિકૃત રીતે કબ્જો કરીને આ જમીન પચાવી પાડી હતી. મોરબી તાલુકા પોલીસે આરોપી વિરુદ્ધ ગુજરાત જમીન પચાવી પાડવા પર (પ્રતિબંધ) વિધેયક ૨૦૨૦ની કલમ હેઠળ ગુનો નોંધી આગળની વધુ તપાસ હાથ ધરી છે.