મોરબી-માળીયા હાઈવે પર લક્ષ્મીનગર નજીક કન્ટેનર પલટી મારી ગયું

લોકો ડિઝલ લેવા દોડી ગયા, ટ્રાફિક જામનાં દ્રશ્યો સર્જાયા

પ્રાપ્ત વિગતો અનુસાર આજે વહેલી સવારે મોરબી માળિયા હાઈવે પર લક્ષ્મીનગર નજીકથી પસાર થતું કન્ટેનર પલટી મારી ગયું હોય જેમાંથી ડીઝલ ઢોળાવા લાગતા આસપાસના રહેવાસીઓને જાણ થઇ હતી અને ડીઝલ લેવા લોકો દોડી ગયા હતા અને રોડ પર ટ્રાફિક જામનાં દ્રશ્યો સર્જાયા હતાં. બનાવની જાણ થતા મોરબી તાલુકા પોલીસ ટીમે ઘટનાસ્થળે દોડી જઈ સ્થળ પરથી લોકોને હટાવ્યા હતા અને ટ્રાફિક પૂર્વવત કર્યો હતો. તેમજ બનાવ અંગે નોંધ કરી વધુ તપાસ હાથ ધરી છે.