મોરબી ઝૂલતા પુલ દુર્ઘટના કેસના આઠ આરોપીએ કરી જામીન અરજી

મોરબીના ચકચારી કેસ એવા ઝૂલતા પુલ દુર્ઘટના કેસ માં જે તે સમયે પોલીસે નવ આરોપીઓની ધરપકડ કરી હતી જે પૈકી પેહલા પાંચ આરોપી ને જેલ હવાલે કરાયા હતા અને અન્ય ચાર ના પાંચ દિવસ ના રિમાન્ડ મંજુર થયા હતા જે રિમાન્ડ પૂર્ણ થતાં તેને પણ જેલ હવાલે કરવામાં આવ્યા હતા જે તમામ નવ આરોપીઓ હાલમાં જેલ હવાલે છે.

જે પૈકી ઝૂલતા પુલ રીનોવેશન નો કોન્ટ્રાકટ રાખનાર કંપનીના પ્રકાશ પરમાર નામના આરોપીએ અગાઉ જામીન અરજી મૂકી હતી તેમજ ગઈકાલે અન્ય આઠ આરોપી દેવાંગ પરમાર,દિનેશ દવે,દિપક પારેખ, માદેવ સોલંકી, મનસુખ ટોપીયા, અલ્પેશ ગોહિલ ,દિલીપ ગોહિલ અને મુકેશ ચૌહાણ એ મોરબી કોર્ટમાં જામીન અરજી કરી છે જેથી આ જામીન અરજીની સુનાવણી તા ૨૧ ના રોજ કરવામાં આવશે એવું મોરબી કોર્ટ દવારા જણાવવામાં આવ્યું છે.