ગુજરાત બોર્ડનું ધોરણ 10નું પરિણામ જાહેર : મોરબી જિલ્લાનું 85.60% પરિણામ આવ્યું

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 12ની સાયન્સ, આર્ટસ અને કોમર્સ સ્ટ્રીમનું થોડા દિવસ પહેલા પરિણામ જાહેર કરી દેવાયું હતું ત્યારે હવે આજે ધોરણ 10 (SSC)નું પરિણામ જાહેર થઈ ગયું છે. વિદ્યાર્થીઓ બોર્ડની સત્તાવાર વેબસાઈટ તેમજ વોટ્સએપ નંબર 6357300971 નંબર પર તેમનો બેઠક ક્રમાંક મોકલીને તેમના પરિણામની વિગતો જાણી શકશે. ધોરણ 10નું બોર્ડની પરીક્ષાનું પરિણામ 82.56 ટકા જાહેર થયું છે. જેમાં મોરબી જિલ્લા SSCનું 85.60% પરિણામ જાહેર થયું છે. મોરબીના કુલ 10630 જેટલા વિદ્યાર્થીઓએ પરિક્ષા આપી હતી. જેમાંથી 9099 વિદ્યાર્થીઓ પાસ થયા છે. તેમજ 681 જેટલા પરીક્ષાર્થીઓએ A1 ગ્રેડ પ્રાપ્ત કર્યો છે.