મોરબીમાં પોલીસે રસ્તે રખડતા બાળકને દાદીમા પાસે હેમખેમ પહોંચાડયો

મોરબીમાં એસ.પી. સહિત પોલીસ સ્ટાફના પેટ્રોલિંગ દરમિયાન રસ્તે રખડતો એક બાળક મળી આવતા પોલીસે બાળકનું તેના દાદી સાથે મિલન કરાવ્યું હતું.

મોરબી એસપી સુબોધ ઓડેદરાની સૂચનાથી મોરબી પોલીસની જુદી જુદી ટિમો દ્વારા સંવેદનશીલ વિસ્તારમાં કોબિંગ અને વાહન ચેકીંગ હાથ ધરવામાં આવી રહ્યા છે ત્યારે આજે પોલીસ પેટ્રોલિંગ દરમિયાન એક બાળક રસ્તે રખડતો હોવાનું માલુમ પડતા પોલીસે તેની પૂછતાછ કરી હતી જેમાં બાળકે પોતાનું નામ વિર દિનેશભાઇ વાધેલા હોવાનું જણાવ્યું હતું તે પોતાના દાદી સવિતાબેન ગણેશભાઇ વાધેલા સાથે રહેતો હતો. દાદી સિવિલ હોસ્પિટલમાં ફરજ બજાવતા હોવાથી તે હોસ્પિટલમાં હતા અને બાળક એકલો ઘરે હોવાથી તેને ડર લાગતો હતો જેથી તેના દાદી પાસે જતો હોવાનું બાળકે જણાવતા પોલીસે બાળકને જમાડી તેમના દાદી સવીતાબેન પાસે પહોંચાડ્યો હતો.