તાજેતરમાં રિલીઝ થયેલ ધ કાશ્મીર ફાઇલ ફિલ્મની દેશના ચારેકોર ચર્ચા થઈ રહી છે. વડાપ્રધાન નરેન્દ્રભાઈ મોદીથી માંડીને તમામ અગ્રણી નેતાઓએ આ ફિલ્મને વખાણી છે. બીજી બાજુ ગુજરાત સરકારે પણ આ ફિલ્મને કરમુક્ત કરી છે. ત્યારે ધ કાશ્મીર ફાઈલ્સ ફિલ્મ સમસ્ત બ્રહ્મસમાજ મોરબી દ્વારા સિનેમા ઘરમાં નિહાળવામાં આવશે.
તાજેતરમાં રિલિઝ થયેલ કાશ્મીરી પંડિત ઉપરના લાગણીસભર વિષય ઉપર બનેલ અને બ્રહ્મસમાજની સત્ય હકીકત અને ભૂતકાળમાં બનેલા બનાવોને જીવિત કરતી ખૂબ જ સરસ મુવી મોરબી બ્રહ્મ સમાજના તમામ એક્ટિવ કાર્યકરો સાથે નિહાળવાનું આયોજન કરેલું છે. ઇચ્છુક લોકોએ નામ રજીસ્ટર કરાવેલ છે તેઓએ આવતીકાલે તા.16-03-2022 સાંજે 7-00 બુધવારે વાગ્યે સ્કાય મોલ ખાતે સ્કાય સિનેમા ખાતે ઉપસ્થિત રહેવા બ્રહ્મ સમાજના પ્રમુખ કિશોરભાઈ શુક્લ, મહામંત્રી કેયુરભાઈ પંડ્યા, અમુલભાઈ જોષી અને સંયોજક સચિનભાઈ વ્યાસ દ્વારા અનુરોધ કરાયો છે.
