મોરબી ક્રાઈમ બ્રાન્ચ દ્વારાને મળેલ બાતમીના આધારે વોચ ગોઠવી હળવદ મોરબી ચોકડી રોડ ઉપરથી ટ્રક ટેઇલરની આડમાં છુપાવીને લઈ જવાતો ઇંગલિશ દારૂબિયરના જથ્થા સહિત કુલ રૂપિયા 17,88,580 ના મુદ્દામાલ સાથે એક ઇસમની ધરપકડ કરવામાં આવી છે.
મળતી માહિતી અનુસાર, મોરબી ક્રાઈમ બ્રાન્ચને ખાનગી રાહે બાતમી મળતા હળવદ મોરબી ચોકડી રોડ ઉપર ટ્રક ટેલર નંબર RJ-19-GE 8765 વાળામાં માટીની આડમાં ઇંગ્લિશ દારૂ બિયરનો જથ્થો ભરી અમદાવાદ તરફથી મોરબી તરફ આવી રહ્યો છે તેવી ચોક્કસ બાતમીને આધારે એલસીબી સ્ટાફ તથા અધિકારીઓ દ્વારા હળવદ મોરબી ચોકડી ખાતે વોચ ગોઠવી ટ્રક ટ્રેલર તે જગ્યાથી મળી આવતા તેમાં જોતા માટી નીચે સંતાડેલ ઇંગ્લિશ દારૂનો જથ્થો મળી આવતા સિયરામ ઉર્ફે મુકેશ દીનારામ જાજડા રાજસ્થાન વાળાની અટકાયત કરી તેની સામે પ્રોહીબિશન ધારા હેઠળ ગુનો દાખલ કરી આગળની કાર્યવાહી હાથ ધરી છે. પોલીસે આરોપી પાસેથી 8 પીએમ વ્હિસ્કી 750 મિલી 288 બોટલ નંગ કિંમત રૂ. 86,400, ઓફિસર ચોઇસ ક્લાસિક વ્હિસ્કી 750 મિલી 359 નંગ બોટલ કિંમત રૂ. 1,14,880, બ્લેન્ડર પ્રાઈડ સિલેક્ટ પ્રીમિયમ વ્હિસ્કી 750 મિલી બોટલ નંગ 60 કિંમત રૂ. 51000 તથા કિંગફિશર સુપર સ્ટ્રોંગ બિયર 500 મિલીના 288 નંગ કિંમત રૂ. 28,800 અને ટ્રક ટેલર કિંમત રૂપિયા 15 લાખ ગણી કુલ રૂપિયા 17,88,580 નો મુદ્દામાલ કબજે કરી આગળની કાર્યવાહી હાથ ધરી છે.
