મોરબી:પેપરમીલ કારખાનામાં મજૂર ઓરડીમાં આવેલ પાણીના ટાંકામાં પડી જવાથી શ્રમિકનું મૃત્યુ

મોરબી તાલુકાના ઊંચી માંડલ ગામ નજીક આવેલ પેપરમીલ કારખાનાની મજૂર ઓરડીઓમાં આવેલ પાણીના ટાંકામાં પડી જવાથી ૧૯ વર્ષીય શ્રમિકનું પાણીમાં ડૂબી જવાના કારણે મોત નિપજતા પરિવારમાં શોક પ્રસરી જવા પામ્યો છે.

મોરબી તાલુકાના ઊંચી માંડલ ગામની સીમમાં અંબાણી પેપરમીલમાં આવેલ લેબર ક્વાર્ટરમાં રહેતા રામપ્રવેશ મોહનભાઇ ઠાકુર ઉવ.૧૯ ગઈ કાલ તા.૦૬/૧૧ના રોજ રાત્રીના આઠેક વાગ્યા આસપાસ લેબર ક્વાર્ટ્સમા આવેલ પાણીના ટાંકામા કોઈપણ કારણોસર અંદર પડી ગયો હતો, જેથી પાણીમા ડુબી જતા રામપ્રવેશનું મૃત્યુ નીપજ્યું હતું, ત્યારે મૃતક યુવાનની ડેડબોડી તેમના પિતા મોહનભાઇ મોરબી સરકારી હોસ્પિટલ ખાતે લાવતા મોરબી તાલુકા પોલીસે અ.મોત રજીસ્ટર કરી અકાળે મૃત્યુને ભેટેલા યુવકના મૃત્યુના બનાવ બાબતે આગળની તપાસની તજવીજ હાથ ધરી છે.