મોરબી : મોઢાના કેન્સરની બીમારીથી કંટાળીને આધેડએ  ગળેફાંસો ખાઈ જીવન ટુંકાવ્યુ

બનાવની પ્રાપ્ત વિગતો અનુસાર મોરબીના કંડલા બાયપાસ પર કામધેનુ રીસોર્ટ પાછળ આવેલ બાલાજી હોમ્સ- ૩૦૨ માં રહેતા મનસુખભાઇ હંસરાજભાઇ રાણીપા પટેલ (ઉ.વ.૫૧) એ ગઈકાલે તા.૧૫ ના રોજ પોતાના ઘરે ગળેફાંસો ખાઈ લેતા તેમનું મૃત્યુ થયું હતુ. બાદમાં તેમના મૃતદેહને પીએમ અર્થે મોરબીની સરકારી હોસ્પીટલમાં ખસેડાયો હતો. આ બનાવ અંગે પોલીસની પ્રાથમિક તપાસમાં મૃતક મનસુખભાઇ હંસરાજભાઇ રાણીપાએ મોઢાના કેન્સરની તકલીફથી કંટાળી ગળેફાંસો ખાઇ આપઘાત કરી લીધો હોવાનું ખુલ્યું હતું. એ ડિવિઝન પોલીસે આ બનાવની નોંધ કરી આગળની ધોરણસરની કાર્યવાહી હાથ ધરી હતી.