મોરબી તાલુકા પોલીસ સ્ટેશનના પ્રોહિબિશનના બે ગુનામાં છેલ્લા 11 માસથી નાસતો ફરતો આરોપી ઝડપાયો છે. મોરબી તાલુકા પોલીસે બાતમીના આધારે લક્ષ્મીનગર ગામના બસ સ્ટેન્ડ પાસેથી આરોપી રણજીતસિંહ મેવાસિંહ રાવત (ઉં.વ. 27), જાતે રાજપૂત, રહે. જગમાલપુરા, માલકીયા બાડીયા, થાના સેંદડા, તા. રાયપુર, જિ. બ્યાવર (પાલી), રાજસ્થાન ઝડપાયો હતો.
- Advertisement -
- Advertisement -
આરોપી વિરુદ્ધ મોરબી તાલુકા પોલીસ સ્ટેશનમાં પ્રોહિબિશન કલમ 65(A)(E), 116(B), 98(2) તથા અન્ય એક ગુનામાં 65(A)(E), 116-B, 81 મુજબ ગુના નોંધાયેલા હતા. બંને ગુનામાં આરોપી છેલ્લા 11 માસથી પોલીસ પકડથી દૂર હતો.નાસતા-ફરતા આરોપીઓને ઝડપી પાડવા હાથ ધરાયેલી કામગીરી દરમિયાન મોરબી તાલુકા પોલીસના સર્વેલન્સ સ્ટાફને આરોપી લક્ષ્મીનગર બસ સ્ટેન્ડ પાસે હોવાની બાતમી મળતા પોલીસે સ્થળ પર પહોંચી તેને ઝડપી લીધો હતો અને આગળની કાર્યવાહી હાથ ધરી છે.
