મોરબીની બીમાર બાળકીનું રાજકોટમાં સારવાર દરમિયાન મોત

મોરબીનાં ઝીઝુડા ગામમાં રહેતા સવજીભાઈ પાટડીયાની 04 વર્ષની બાળકી લક્ષ્મીનું 29 તારીખે રાજકોટ સિવિલ હોસ્પિટલ ખાતે સારવાર દરમિયાન મોત નીપજ્યું છે. ત્યારે બનાવ અંગેની મળતી માહિતી અનુસાર, સવજીભાઈ પાટડીયા 29 તારીખે પોતાની દીકરી લક્ષ્મીને લઈ રાજકોટ સિવિલ હોસ્પિટલ ખાતે પહોંચ્યા હતા. ત્યારે હોસ્પિટલમા હાજર ડો.ખમીત પરમારનાં જણાવ્યા અનુસાર, બાળકી જયારે હોસ્પિટલ આવી ત્યારે તે અર્ધ બેભાન હાલતમાં હતી. અને કોઈ બીમારીથી પીડાતી હતી. જેને તાત્કાલિક તે સમયે કે.ટી. ચીલ્ડ્રન વોર્ડમાં દાખલ કરવામાં આવી હતી. જ્યાં તેનું ટૂંકી સારવાર બાદ મોત નીપજ્યું હતું.